【波斯尼亞黑塞哥維那 🇧🇦 莫斯塔爾 】有無諗過如果聽日開始戰爭重臨香港，一個砲彈炸過嚟你屋企棟大廈中正你間睡房，你會點？
.
呢位Elma係波斯尼亞人，屋企住響打得最厲害嘅戰線。4歲嘅時候有一晚轟一聲 — 睡房被炸爛，好彩當晚佢同妹妹忽發奇想走咗過爸爸媽媽房瞓... 死裡逃生。三十歲就經歷過戰火蹂躪家園嘅慘痛，我一路聽一路心寒。
.
Elma響一家名為WAR PHOTO EXHIBITION嘅展覽畫室工作，基本上所有嘢一腳踢。我就係嗰啲臨關門前半個鐘先入去睇展覽嘅pk，但係佢無趕我不特止，睇完仲同我傾咗成個鐘計。
.
個展覽響莫斯塔爾(Mostar)老橋（Stari Most）西岸嘅橋塔上，絕對唔係大型展覽，但係展出嘅相片每一張都耐人尋味。1992年正值波斯尼亞戰爭高峰，當時23歲嘅紐西蘭攝影師 Wade Goddard 當上戰地記者，之後十幾年都響戰地工作。學嘢長知識，周圍移推薦👍
.
多謝 Elma分享佢嘅故事同對當代政權嘅想法 🤗💙💛
.
佢畫畫都幾靚㗎，去睇睇like下啦： Elma Jelovac ART
.
.
.
.
.
.
.
#歐洲 #波斯尼亞 #波黑 #波斯尼亞黑塞哥維那 #戰爭 #攝影
.
#周圍移 #旅遊日記 #旅遊 #一個人的旅行 #景點 #hktravelblogger #旅遊資訊 #女遊人 #女遊神 #香港人 #我係香港人 #遊 #放假 #去旅行 #背包客#豁出去漫遊不通知親友 #旅女 #輕旅行 #窮遊 #遊記 #旅行的意義 #環遊世界 #旅行者 @ Mostar
Search